Kryetari i Komisionit të Administrimit të Zgjedhjeve në PD, Jemin Gjana thotë se rezultati zyrtar për kryetar partie pritet të publikohet ditën e hënë, ndërsa rezultati paraprak flet për një fitore bindëse për Lulzim Bashën.

Kryetari aktual i PD, sipas rezultatit paraprak të publikuar nga PD, ka marrë 80% të votave.

Kandidati i dytë më i votuar është Agron Shehaj me 15.55% ndërsa Edit Harxhi ka marrë 2.45% kurse Fatbardh Kadilli 2% të votave.

Këto janë zgjedhjet e treta brenda PD-së që Lulzim Basha fiton.

Në garën e parë për të marrë drejtimin e PD, ai fitoi në vitin 2013 përballë Sokol Olldashit, kurse në vitin 2017 pas humbjes në zgjedhjet parlamentare fitoi sërish garën për të qenë kryetar partie përballë Eduart Selamit.

Rezultati paraprak:

Lulzim Basha 80%

Agron Shehaj 15.55%

Edit Harxhi 2.45%

Fatbardh Kadilli 2%